Në këto kantone të Zvicrës pushohet për 1 Maj

Pixabay: Ilustrim

Dita Ndërkombëtare e Punëtorëve festohet më 1 Maj me protesta të punëtorëve, megjithatë në disa kantone kjo ditë është festë zyrtare.

Në Zvicër, megjithatë, ia vlen të kihet parasysh se ka dallime në varësi të vendit ku jetoni, përcjell albinfo.ch.

Njerëzit kanë një ditë të plotë pushimi më 1 maj në kantonin e Cyrih, Basel–Stadt, Basel–Land, Jura, Neuchâtel, Schaffhausen, Thurgau dhe Ticino.

Në Aargau dhe Solothurn, njerëzve zakonisht u jepet një gjysmë dite pushimi (nga ora 12 e mesditës), shkruan thelocal.ch.

Në disa kantone, si Freiburg dhe St. Gallen, zakonisht u jepet një gjysmë dite punëtorëve kantonalë.

Punonjësit në kantonet e tjera nuk marrin një festë publike më 1 maj, përveç nëse shefi i tyre u jep punëtorëve pushim.

Si shënohet 1 Maji në Zvicër?

Ngjarje të tilla, si demonstrata, festivale dhe fjalime publike janë planifikuar në rreth 50 lokacione në gjithë Zvicrën më 1 maj, kështu që mbani një sy se çfarë po ndodh lokalisht në zonën tuaj.

Demonstrata më e madhe zhvillohet në Cyrih, qyteti më i madh i Zvicrës.