‘Fake News’ konsiderohet kërcënim i lirisë së mediave

Në indeksin vjetor të publikuar nga Reporterët pa Kufij (RSF) theksohet mes tjerash kërcënimi ndaj lirisë së shtypit që vjen nga përmbajtja e rreme (fake news).

Sipas Indeksit Botëror të Lirisë së Shtypit 2023, i sapopublikuar, mjedisi për gazetarinë është “shumë serioz” në 31 vende, “i vështirë” në 42, ”problematik” në 55 dhe “i mirë” ose “i kënaqshëm” në 52 vende.

“Indeksi Botëror i Lirisë së Shtypit tregon paqëndrueshmëri të madhe në situata, me rritje dhe rënie të mprehta dhe ndryshime të paprecedentë, si Brazili që rritet me 18 vende dhe Senegali që bie 31 vende”, theksoi sekretari i përgjithshëm i RSF, Christophe Deloire.

Ky paqëndrueshmëri është rezultat i rritjes së agresivitetit nga autoritetet në shumë vende dhe rritjes së armiqësisë ndaj gazetarëve në median sociale.

“Paqëndrueshmëria është gjithashtu pasojë e rritjes së industrisë së përmbajtjes së rreme, e cila prodhon dhe shpërndan dezinformata dhe ofron mjetet për ta prodhuar atë”, shtoi Deloire.

Sipas indeksit, në dy të tretat e 180 vendeve të vlerësuara, shumica e të anketuarve thanë se aktorët politikë në vendet e tyre ishin shpesh ose sistematikisht të përfshirë në fushata masive dezinformuese.

Norvegjia kryeson renditjen për të shtatën vit radhazi, e ndjekur nga Irlanda dhe Danimarka.

Tri vende aziatike ndërkohë zunë vendin e fundit në listë, me Korenë e Veriut, Kinën një vend mbi të dhe Vietnamin në vendin e 178-të.