Gratë në Zvicër më pak të paguara, reagojnë sindikatat

Sektorët si kujdesi për fëmijët, shërbimet sociale dhe parukeria, të cilët tërheqin një numër të madh punonjësesh femra, janë zakonisht më të papaguarit, tha të martën Federata Sindikale Zvicerane.

Një përqindje e lartë të grave punëtore vuajnë nga paga më të ulëta, u ankuan udhëheqësit e sindikatave zvicerane përpara Grevës së Grave të muajit të ardhshëm.

Sektorët si kujdesi për fëmijët, shërbimet sociale dhe parukeria, të cilët tërheqin një numër të madh punonjësesh femra, janë zakonisht më të papaguarit, tha të martën Federata Sindikale Zvicerane, përcjell Albinfo.ch.

“Sa më e lartë të jetë përqindja e grave në një industri, aq më të ulëta janë pagat e praktikantëve”, tha zëvendëspresidentja e federatës, Vania Alleva.

“Kjo tregon qartë se nuk ka të bëjë vetëm me profesione individuale – ka një pabarazi strukturore”, tha ajo.

Katër në dhjetë gra fitojnë më pak se 5,000 CHF (5,577 dollarë) në muaj dhe 25% fitojnë nën 4500 CHF, sipas hulumtimit të sindikatave.

Kufiri zyrtar i varfërisë në Zvicër është përcaktuar si CHF 2,289 në muaj për një person beqar dhe CHF 3,989 për dy të rritur dhe dy fëmijë.

Hendeku gjinor i pagave do të jetë fokusi qendror i Grevës së Grave të këtij viti më 14 qershor, së bashku me një protestë ndaj formave të tjera të diskriminimit dhe ngacmimit në vendin e punës.

Por punëdhënësit kanë hedhur poshtë kërkesat e sindikatave për paga më të larta për të ashtuquajturat “punë të grave”.

“Nivelet e pagave llogariten sipas vlerës së shtuar që sjellin disa vende pune. E njëjta gjë vlen edhe për burrat, ashtu edhe për gratë”, tha një zëdhënës i Shoqatës së Punëdhënësve Zviceranë për transmetuesin publik zviceran SRF.

“Thjesht, rritja e pagave do të rriste koston e shërbimeve dhe produkteve”, tha ai./Albinfo.ch

---