Turqia goditet nga një tjetër tërmet

Foto Ilustrim

Një tërmet me magnitudë 4.9 ballë ka goditur sot provincën jugore turke, Adana.

Agjencia Turke e Menaxhimit të Emergjencave (AFAD) njoftoi se epiqendra e tërmetit ishte regjistruar në lagjen Saimbeyli, në një thellësi prej 6.67 kilometrash, raporton Anadolia, përcjell Albinfo.ch.

Lëkundjet u ndjenë në një rajon më të gjerë në jug të Turqisë, i cili u godit nga tërmetet shkatërruese në shkurt.

Guvernatori i Adanas, Suleiman Elban, i tha Anadollit se deri më tani nuk ka informacione për pasojat e tërmetit dhe se ekipet kompetente janë në terren./Albinfo.ch