Ndeshja e fundit e Granit Xhakës në Arsenal

Mediat ndërkombëtare raportojnë se, kjo është ndeshja e fundit e mesfushorit shqiptar në Londër

Çdo fillim e ka një fund. Kështu është edhe historia e mesfushorit shqiptar, Granit Xhaka në Arsenal.

Mediat ndërkombëtare raportojnë se ndeshja e sotme ndaj Ëolves është e fundit për Xhakën në Londër. Ai është titullar në sfidën që fillon nga ora 17:30, që është e fundit për këtë kampionat, ku Arsenali e përfundon në vendin e dytë, ndërsa deri në fund luftuan për titullin e kampionit, që i takoi Manchester Cityt, shkruan albinfo.ch.

Xhaka u transferua në Londër në vitin 2016 nga Borussia Mönchengladbach për 45 milionë euro. Në Arsenal u bë kapiten, edhe pse më pas kishte probleme me tifozët, që sërish ua fitoi zemrat.

Për të thuhet se do të rikthehet në Bundesliga, kësaj radhe në Bayer Leverkusen.

Në Arsenal, ai ka fituar dy FA Cup dhe dy Community Shield. Gjithsej ka 496 ndeshje dhe 32 gola. Kujtojmë se karrierën e ka nisur në Basel.

Për Zvicrën, ku është kapiten, numëron 113 ndeshje dhe 13 gola.

---