Ambasadori i Zvicrës në mbështetje të Aftësimit Profesional në Kosovë

Ambasadori i Zvicrës në Kosovë, Thomas Kolly ishte pjesë e Samitit të Arsimit dhe Aftësimit Profesional (AAP) në Kosovë.

Pjesëmarrja e ambasadorit në ceremoninë e hyrëse theksoi rëndësinë e arsimit dhe aftësimit profesional për Kosovën. Ambasadori ceku që shtylla kryesore e një shoqërie është edukimi dhe shëndeti publik, transmeton albinfo.ch.

“AAP është shtylla kryesore e ekonomisë së Zvicrës, shtyllë kjo që ka prioritet si në prodhim ashtu edhe në inovacion. Mbi 60% e të rinjve zviceranë shkojnë në profile të AAP-së. Ku suksesi më i madh i këtij interesimi dhe angazhimi në AAP, është bashkëpunimi në mes të institucioneve publike dhe private.” tha ai.