Shqipëria synon fitoren kundër Moldavisë

Federata e Futbollit te Shqiperise, FB

Shqipëria në eliminatoret luan kundër Moldavisë këtë të shtunë me fillim nga ora 20:45. Shqipëria në dy ndeshjet e fundit ka detyrim marrjen e tri pikëve, për të vazhduar si duhet misionin madhor për t’u kualifikuar në kampionatin europian.

Trajneri i Kombëtares së Shqipërisë, Silvinjo, ka dalë sot para mediave, ku u është përgjigjur gazetarëve për dy ndeshjet e radhës që Shqipëria luan ndaj Moldavisë dhe Ishujve Faroe për eliminatoret e Euro 2024. Ai foli edhe për listën e futbollistëve të grumbulluar.

“Sigurisht që kemi moment delikat, sepse është fund sezoni dhe lojtarët janë të ngarkuar. Është situatë ku grupi duhet menaxhuar sa më mirë. Duhet menaxhuar intensiteti që lojtari të japë 100% në fushë dhe prandaj kemi zgjedhur 26 lojtarë. Duhet menaxhim i mirë, pasi kemi moment delikat” tha Sylvinho, përcjell albinfo.ch.

Pas paraqitjes së mirë në Poloni, por që nuk prodhoi asnjë pikë, këto dy ndeshje pret fitore.

“Mundësia për të fituar një ndeshje është, dhe përveç lojës së bukur për të marrë 6 pikët, duhet ta tregojmë në fushë. Rezultati nuk është diçka që parashikohet, por duhet të dini se ne kemi 7 ndeshje, 7 finale që duhen fituar për të arritur objektivin. Tani kam në mendje vetëm ndeshjen me Moldavinë. Jam i bindur se në debutimin tim në Shqipëri para tifozëve do të bëjmë më të mirën për të marrë 3 pikë”, u shpreh ai tutje, shkruan Top Channel.