Lajme
Shtohet numri i azilkërkuesve në vendet e BE-së
Vendet evropiane kanë regjistruar rreth 996,000 kërkesa për azil në vitin 2022, përcjell albinfo.ch.
Sipas Agjencisë së Bashkimit Evropian për Azil, këta aplikantë janë shtesë përveç 4 milionë ukrainasve.
Këto shifra kanë të bëjnë me 27 vendet e Bashkimit Evropian, Zvicrën, Norvegjinë, Islandën dhe Lihtenshtajnin, shkruan RTS.
Azilkërkuesit janë kryesisht meshkuj në 71% të rasteve dhe janë nga Siria (138,000 aplikime), Afganistani (132,000), Turqia (58,000), Venezuela (51,000) dhe Kolumbia (43,000). Disa nga aplikimet dorëzohen nga njerëz që kanë mbërritur legalisht në BE, ky është rasti për kolumbianët dhe venezuelianët, të cilët kanë akses pa viza, përcjell albinfo.ch.
Në vitet 2015-2016, gjatë fluksit të refugjatëve në Evropë të shkaktuar veçanërisht nga ngërçi i konfliktit në Siri, numri i azilkërkuesve kishte arritur në 1.3 milionë (në vitin 2015) dhe 1.2 milionë (në vitin 2016). Në vitin 2022, pesë vende përqendruan 70% të kërkesave për azil: Gjermania (244,000), Franca (156,000), Spanja (118,000), Austria (109,000), Italia (84,000), raporton RTS.
Rreth 39% e kërkesave për azil morën një përgjigje pozitive, që korrespondon me “normën më të lartë të njohjes” që nga viti 2017. Kombësitë që përfitojnë nga normat më të larta të njohjes janë sirianë (93%), ukrainas (86 %) dhe eritreanë (84%).
Numri i vendimeve në pritje arriti në 899,000 në fund të vitit 2022. Rreth 42,000 aplikime u dorëzuan nga të mitur të pashoqëruar, dy të tretat e të cilëve ishin nga Afganistani dhe Siria.
Të tjera nga Lajme
E-Diaspora
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim Ai u dënua me 8 muaj burg (shtesë) për tentim shantazhimi. T30-vjeçari ishte duke vuajtur dënimin...
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
Jeta në Zvicër
-
Si u bë Zvicra vendi nga ku rrjedh qumështi dhe çokollata Herë me humor, herë serioze: Një dokumentar në SRF i kushtohet temës së çokollatës zvicerane. Nga...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
300 zviceranë të bllokuar në Kaledoninë e Re pas shpërthimit të trazirave
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard