Çmimet e pronave rriten, pavarësisht normave më të larta të hipotekave

Rritjet ndryshojnë sipas rajonit, zbuloi banka.

Me rritjen e normave të interesit të hipotekave, ekspertët prisnin që kërkesa në tregun zviceran të pasurive të paluajtshme të ngadalësohej, përcjell albinfo.ch.

Megjithatë, çmimet e pasurive të paluajtshme vazhduan të rriten në Zvicër në tremujorin e dytë të këtij viti, sipas studimit të ri të Raiffeisen Bank.

Krahasuar me të njëjtën periudhë të vitit 2022, shtëpitë për një familje tani kushtojnë 6.1 për qind më shumë dhe apartamentet janë 5.1 për qind më të shtrenjta.

Rritjet ndryshojnë sipas rajonit, zbuloi banka.

Rritja më e lartë (18,8 për qind) ishte në Zvicrën qendrore, e ndjekur nga 9,8 për qind në pjesën lindore të vendit.

Nga ana tjetër, çmimet u rritën më pak në rajonin e Bernës (3.4 për qind) dhe në Zvicrën veriperëndimore (3.3 për qind).

 

---