Lajme

Këshilli i Sigurimit i OKB-së mban bisedimet e para mbi rreziqet e IA-së

E hënë, 17 Korrik 2023 - 16:00 albinfo.ch

Këshilli i Sigurimit të Organizatës së Kombeve të Bashkuara këtë javë do ta mbajë diskutimin e parë formal mbi inteligjencën artificiale në Nju-Jork, me Britaninë, e cila do të kërkojë dialog ndërkombëtar mbi ndikimin e teknologjisë në paqen dhe sigurinë globale.

Qeveritë në të gjithë botën tani janë duke konsideruar se si të zbusin rreziqet e teknologjisë në rritje të inteligjencës artificiale, e cila mund ta riformësojë ekonominë globale dhe ta ndryshojë sigurinë ndërkombëtare.

Britania e mban presidencën e Këshillit të Sigurimit të OKB-së këtë muaj, dhe vazhdimisht ka qenë duke kërkuar një lidership global mbi rregullimin e inteligjencës artificiale, raporton Reuters.

James Cleverly, Sekretari britanik për Punë të Jashtme, do ta udhëheqë diskutimin, i cili do të mbahet të martën.

Në qershor, Antonio Guterres, Sekretari i Përgjithshëm i OKB-së, e kishte mbështetur një propozim nga udhëheqës të kompanive të inteligjences artificiale mbi krijimin e një trupi mbikëqyrës ndërkombëtar të inteligjencës artificiale, sikurse Agjencia Ndërkombëtare e Energjisë Atomike (IAEA).

 Të tjera nga Lajme

Ofertuesi paguan 262,000 CHF për targën “ZH 11”

 E-Diaspora

 Jeta në Zvicër