Youtube bllokoi këngën e SVP

SVP

Kënga e fushatës SVP u publikua mëngjesin e së hënës. Por nuk është më e disponueshëm në Youtube. Platforma e videove e fshiu atë.

Akuza: Refreni të kujton “We Are Family” të grupit Sister Sledge, shkruajnë gazetat e CH-Media, përcjell albinfo.ch.

“Kjo video nuk është më e disponueshme për shkak të pretendimeve për të drejtën e autorit nga Sony”, thotë platforma e videos.

Thomas Matter mbrohet.

“Unë e shkrova tekstin dhe e kompozova vetë këngën. Nëse në fakt akuzohem se jam stolisur me puplat e dikujt tjetër, atëherë nuk mund të shfaqet asnjë hit i ri i popit. Gjithashtu, ne nuk fitojmë para nga kjo këngë”, thotë ai për gazetat CH Media.

Kënga “Welcome To SVP” bëri bujë në vitin 2015. Ajo u bazua në hitin botëror “Welcome To St. Tropez” të DJ Antoine. Në atë kohë, megjithatë, të drejtat u sqaruan me artistin dhe ideja për një interpretim të ri u prit mirë, shkruan 20minuten.