Mund të ketë dyfishim të viktimave nga zjarri në Havai

Keystone (Matthew Thayer/The Maui News via AP)

Guvernatoi i Maui-t, Josh Green, thotë se ekipet e kërkim-shpëtimit në Havai do të mund t’i gjejnë trupat e 10 deri 20 viktimave në ditë.

Numri i të vdekurve si pasojë e zjarreve pyjore ka arritur në 96.

Sipas guvernatorit Green, do të duhen më shumë se 10 ditë për ta mësuar numrin e saktë të viktimave, shkruan Radio Evropa e Lirë.

Gati e gjithë qyteza Lahaina është shkatërruar nga zjarri.

“Nuk ka mbetur asgjë për t’u parë përveç shkatërrimit”, ka thënë Green për CBS, përcjell albinfo.ch.

Deri të shtunën, zyrtarët kanë thënë se vetëm 3% e territorit në Lahaina është kërkuar.

Zjarri vdekjeprurës në Lahaina është ende aktiv, ndonëse pjesa më e madhe është fikur, sipas autoriteteve të qarkut Maui.

Se si ka nisur zjarri nuk dihet, edhe pse konsiderohet të jetë nxitur nga erërat e nxehta të Uraganit Dora në afërsi.