A paguhen mjaftueshëm mësuesit në Zvicër?

(KEYSTONE/Martial Trezzini)

Një sondazh i vitit 2021, i kryer nga Zyra Federale e Statistikave (FSO), ka llogaritur pagën mesatare, përkatësisht kur gjysma e njerëzve fitojnë më shumë dhe gjysma tjetër më pak, të disa profileve të një niveli trajnimi shumë të ngjashëm.

Për mësuesit e shkollave fillore, pas një viti diplomimi, ata e gjejnë veten bërryl me bërryl me të diplomuarit nga universitetet e shkencave të aplikuara. Paga e tyre arrin afërsisht 78,000 franga në vit. Nga ana tjetër, për mësuesit e mesëm I dhe II, deri në përfundim të gjimnazit, paga ngjitet në 97 mijë franga, pas një viti pune, ose 20 mijë franga më shumë në krahasim me studentët e tjerë të universitetit, shkruan RTS.

Por, nëse stafi pedagogjik ecën mjaft mirë për sa i përket “rrogës së parë”, kjo e fundit përparon më pak në vite se degët e tjera. Gjithashtu, gjysma e mësuesve punojnë me një përqindje të reduktuar.

Shuma e pagës së personelit mësimdhënës shpesh konsiderohet shumë e lartë duke pasur parasysh, në veçanti, numrin e madh të ditëve të pushimeve dhe orët mjaft të favorshme të punës. Por është e nevojshme të shkohet përtej shifrave dhe të vërehet kompleksiteti i secilit profesion, përcjell albinfo.ch.