Lajme
Evropa digjitalizon kartën verdhë të vaksinimit
Komisioni Evropian ka konfirmuar planet për të digjiitalizuar kartën e verdhë të vaksinimit të Organizatës Botërore të Shëndetësisë (OBSH).
”Kjo do të ishte pjesë e një rrjeti global të certifikimit të shëndetit dixhital të OBSH-së bazuar në të dhënat e vaksinimit dixhital të BE-së nga koronavirudi”, thanë eurokomisionerët për Drejtësi, Didier Reynders dhe Shëndet, Stella Kyriakides.
Në një letër drejtuar politikanit demokrato-kristian të Gjermanisë, Peter Liese, ata shpjeguan më tej se zgjidhja e parashikuar nuk do të kufizohet vetëm në vaksinimet kundër Covid-19 ose sëmundjeve të tjera individuale, transmeton dpa përcjell albinfo.ch.
Brukseli dhe Organizata Botërore e Shëndetësisë njoftuan një partneritet në shëndetin digjital në qershor.
”OBSH po prezanton rrjetin e certifikimit për të forcuar gatishmërinë globale kundër kërcënimeve në rritje ndaj shëndetit”, tha Komisioni Evropian.
Për ta bërë këtë, OBSH duhet të miratojë sistemin pas certifikatave të BE-së për vaksinimin ose rikuperimin, duke përfshirë parimet dhe teknologjinë e tij.
”Pra, nëse shfaqet një kërcënim i ri shëndetësor, ne do të jemi në gjendje të përgjigjemi më shpejt”, shkruajnë komisionerët.
Liese mendon se digjitalizimi i kartës së vaksinimit është gjëja e duhur.
“E keni gjithmonë në celular”, tha ai.
“Gjithashtu për pandemitë e tjera të mundshme, një infrastrukturë e krijuar është një avantazh i madh”, shtoi Liese.
E-Diaspora
-
Osmani: Shqiptarët e Amerikës, ura më e fuqishme e aleancës Kosovë-SHBA Në kuadër të qëndrimit të saj në Teksas të SHBA-së, presidentja e Kosovës, Vjosa Osmani, ka...
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
Jeta në Zvicër
-
Nemo performoi për Zvicrën në Eurovision 25-vjeçari zviceran Nemo performoi në skenën e Eurovisionit në Malmo të Suedisë, duke përfaqësuar Zvicrën me...
-
A mund të bëhen gratë pjesë e Gardës Zvicerane?
-
Fushata kundër ligjit për energjinë elektrike: Dhurohen 180,000 franga në mënyrë anonime
-
Rezervime të vështira dhe përpikëri të pasigurt, treni i natës nuk përmbush pritshmëritë
-
A do të vizitohet Zvicra nga “Shenjtorët e Akullit” këtë vit?