Lajme

Scholz vendos fashë në syrin e lënduar sikurse ‘pirat’

Tregon për aksidentin që pati

E hënë, 4 Shtator 2023 - 21:10 albinfo.ch

Foto: Olaf Scholz-X (Twitter)

Kancelari gjerman, Olaf Scholz, është përfshirë në një incident, duke e lënduar rëndë njërin sy. Ai ka vendosur një fashë, duke e bërë vetë publike edhe foton e syrit të mbyllur.

Mediat raportuan se Scholz u rrëzua teksa bënte vrap fundjavën që lamë pas, ndërsa si pasojë e rrëzimit, ai pati dëmtime për shkak të të cilave shtyu edhe disa takime që ishin programuar në fundjavë.

Sot, ai ka postuar një foto në rrjete sociale, në të cilën duket që ka dëmtime në syrin e djathtë, teksa e ka fashuar në stil pirati.

“Kushdo që është fajtori… Mirëpres të gjitha memet. Faleminderit për të gjitha mesazhet. Duket më keq se sa është në të vërtetë!”, shkruan Scholz.