Lajme
Baden-Austri: Hapet ekspozita “Solidariteti si rezistencë” e artistit Mentor Berisha
Më 20 shtator u hap ekspozita “Solidariteti si rezistencë”, e artistit Mentor Berisha, nga GR HR Dr. Ernst Schebesta në Teatrin am Steg, Johannesgasse 14, 2500 Baden, shkruan albinfo.at.
“Solidariteti si rezistencë” është titulli i ciklit të punës, të cilin piktori e ka zhvilluar viteve të fundit, e që fokusohet në temën e “ngritjes së senzibilizimit të grupeve të ndryshme socio-kulturore në Kosovë në vitet 1990”.
Mentor Berisha njihet për përmbajtjen e saj shprehëse dhe kompozimet që përcjellin përshtypje shumëdimensionale me hijezimin e saj në stilin e ekspresionizmit modern dhe vendosjen specifike të dritës.
Ekspozita vazhdon deri më 1 tetor në Teatrin am Steg, Johannesgasse 14.
„Solidariteti si rezistencë“ është cikli i punimeve të Mentor Berishës, të realizuara gjatë viteve të fundit në pikturë, dhe ka për fokus temën e sensibilizimit të grupeve të ndryshme sociale-kulturore, përgjatë viteve 90-ta në Kosovë.
Ky cikël përmban motive nga „Falja e gjaqeve“, të shumë familjeve tradicionale shqiptare, aksion i pajtimit gjithëpopullor si akt kundër së keqes (gjakmarrja), i nisur nga një grup intelektualësh të udhëhequr nga prof. Anton Çetta, si dhe „Greva e Minatorëve të Minierës së Trepçës“, si akt solidar i punëtorëve shqiptarë kundër regjimit të atëhershëm, që rezultoi më vonë me largimin e tyre nga puna, duke thyer çfarëdo konvente ndërkombëtare mbi organizimin sindikal.
Në motivet e këtyre cikleve gjendet një histori kulturore e trashëgimisë kosovare, që përmes laboratorit krijues artistik rigjejnë rrugën e kthimit në kohën tonë. Ato na rishfaqen si arketipe identitare përmes një stili mjaft të veçantë, siç është ekspresionizmi modern, ku pikturat shprehin më tepër se anën e tyre dydimensionale. Mentor Berisha, në këtë cikël përdor një teknikë të veçantë, `spachtel`, duke pikturuar `Alla Prima`; piktura që manifestojnë një strukturë plastike pikturimi që dalin nga tehu elastik përbrenda e paralelisht me sipërfaqen e kanavacës. Në të krijohen thellësi figuracionesh që kanë avantazhin e dimensionit të tretë – e që mundësohet nga ndikimi i efektit të dritës, e ku vende-vende shtresat e trasha krijojnë korrespondencë me skulpturën.
Mentor Berisha është i njohur për përmbajtjen dhe kompozicionin shprehës drejt një rregulli të ri imazhor me nuanca të ekspresionizmit modern në pikturë, për forcën e thekshme në përzgjedhjen e ngjyrave, vendosjen specifike të dritës në copëza subimazhesh, përmes një praxis-i më të lirë e të hapur çastësor.
E-Diaspora
-
Rama takohet me emigrantët shqiptarë në Milano më 26 maj Ndalesa e radhës e kryeministrit Edi Rama në kuadër të turit me diasporën do të jetë...
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
-
Itali
Irma Kurti vlerësohet me “Çmimin e Kulturës” në Itali
-
Pianistja e njohur kosovare, Lule Elezi, mban koncert recital në vendlindjen e Shopenit
Jeta në Zvicër
-
Të dhënat e pasagjerëve ajror duhet të jenë në gjendje të përdoren nga policia Mbledhja e të dhënave të caktuara nga pasagjerët e ajrorë dhe ruajtja e tyre për një...
-
Zvicër: Një burrë plagos disa persona në Zofingen
-
Kompanitë e sigurimeve shëndetësore duhet të paguajnë për syzet, me paratë e taksave
-
Wiedikon: Vendasit, të indinjuar me qiratë e larta
-
Gjendet viktima e fundit e ortekut të prillit