Shqiptarja që jeton në Izrael flet për tmerrin e luftimeve

Keystone (AP Photo/Fatima Shbair)

Që nga e shtuna Izraeli është në luftë me grupin Hamas, nga i cili u sulmua. Mediat raportojnë për më shumë se 1 mijë të vrarë në Izrael dhe Gaza.

Ndërkohë shqiptarja, Irena Steinova, që jeton në Izrael, foli për Euronews Albania për tmerrin që po përjetojnë.

Shtoi se Izraeli para 25 vjetësh dha urdhër që në çdo ndërtim që bëhet apartamentet apo shtëpitë të kenë një dhomë të blinduar, përcjell albinfo.ch.

Steinova thotë se ajo nuk e ka një të tillë.

“Gati 25 vjet më parë Izraeli dha urdhër që kur të ndërtohen godinat, çdo shtëpi të ketë dhomën e blinduar dhe njerëzit futen në dhoma. Unë nuk kam, por të gjitha shtëpitë që janë ndërtuar 25 vjetët e fundit kanë dhoma të blinduara”, tha ajo në Euronews Albania.