Ushtria izraelite paralajmëron popullsinë e Gazës: Rruga e arratisjes mbetet e sigurt deri në orën 20:00

Keystone (AP Photo/Hatem Moussa)

Ushtria izraelite kreu disa bastisje në Rripin e Gazës të premten. Ushtria hyri në zonë me tanke dhe këmbësori, raporton “The Times of Israel”, përcjell Blick.

Sipas një zëdhënësi ushtarak, ushtarët nuk kanë depërtuar larg, teksa sipas njoftimit, bastisjet kishin për qëllim “eliminimin e kërcënimit të terroristëve dhe armëve në zonë dhe gjetjen e pengjeve”.

Ushtarët kontrolluan zonën dhe mblodhën prova për të ndihmuar në gjetjen e pengjeve. Infrastruktura e Hamasit u shkatërrua më tej, teksa ushtria njoftoi gjithashtu se avionët luftarakë dhe dronët vazhduan të kryejnë sulme në Rripin e Gazës edhe sot, shkruan albinfo.ch.

Zëdhënësi i ushtrisë izraelite, Avichay Adraee, në anën tjetër ka njoftuar se rrugët e arratisjes për popullsinë e Gazës do të qëndrojnë të hapura deri në orën 20:00.

“Nëse jeni të shqetësuar për veten dhe të dashurit tuaj, duhet të shkoni në jug sipas udhëzimeve tona. Jini të sigurt se udhëheqësit e Hamasit janë të interesuar vetëm për të mbrojtur veten e tyre”, ka thënë ai.