Gjermani: Një person i armatosur mban peng vajzën e tij në aeroportin e Hamburgut

Ilustrim, Pixabay

Një person e futi makinën e tij përmes një pengese në platformë të shtunën në mbrëmje dhe mbajti peng vajzën e tij katërvjeçare. Makina është e parkuar pranë një avioni pasagjerësh; 35-vjeçari dëshiron të shkojë në Turqi me fëmijën. Policia kishte negociuar me babanë gjatë gjithë natës dhe raportoi në orën 06:40 se situata nuk ka ndryshuar.

Aeroporti është mbyllur që atëherë dhe fluturimet e para të së dielës janë anuluar.

Në orën 20:12, personi i armatosur është pikasur nga forcat e sigurisë në “Hamburg Airport Helmut Schmidt”. Sipas informacioneve të BILD, ai po lëvizte përballë Terminalit 1 me një Audi pa targë. Fillimisht ai u largua me shpejtësi, por pak minuta më vonë makina depërtoi në portën veriore. Ai udhëtoi drejtpërsëdrejti tek aeroplanët në platformë dhe ndaloi pranë një avioni pasagjerësh të Turkish Airlines, përcjell albinfo.ch.

Kjo çoi në evakuimin e aeroportit të Hamburgut, ku u prekën 3200 pasagjerë.