Netanyahu trupave izraelite në Gaza: Të vazhdojmë deri në fitore

Foto Twitter: @netanyahu

Kryeministri i Izraelit, Benjamin Netanyahu ka vizituar sot trupat në Gaza, me ç’rast ka biseduar nga afër me ushtarët dhe komandantët në terren gjatë konfliktit, ku u shpreh se po bëhej “çdo përpjekje” për të rikthyer pengjet e mbetura dhe “në fund do t’i kthejmë të gjithë”.

Sipas mediave ndërkombëtare, gjatë kësaj vizite, ai u bëri thirrje atyre të vazhdojnë deri në fitore, teksa deklaroi se kanë tre synime për këtë luftë, përcjell albinfo.ch.

“Ne kemi tre synime për këtë luftë: eliminimin e Hamasit, kthimin e të gjithë të rrëmbyerve tanë dhe garantimin që Gaza të mos bëhet më një kërcënim për shtetin e Izraelit. Qytetarë të Izraelit: vazhdojmë deri në fund – deri në fitore. Asgjë nuk do të na ndalojë dhe ne jemi të bindur se kemi fuqinë, forcën, vullnetin dhe vendosmërinë për të arritur të gjitha qëllimet e luftës dhe do ta bëjmë”, ka thënë ai.