Zvicra nuk do të kontraktojë përpunimin e azilit jashtë vendit

Ministrja zvicerane e Drejtësisë, Elisabeth Baume-Schneider ka hedhur poshtë idenë e transferimit të procedurave të aplikimit për azil në një vend tjetër.

Duke folur për gazetën NZZ am Sonntag të dielën, Baume-Schneider tha se ajo pret rreth 28,000 aplikime për azil në vitin 2024 – i njëjti numër si këtë vit, shkruan albinfo.ch.

“Ne kemi etikë, kemi një shtet kushtetues. Ne nuk mund të ndjekim politika simbolike që nuk janë në përputhje me themelet tona ligjore”, u shpreh ajo dhe kjo është arsyeja pse ajo aktualisht po përjashton kontraktimin e procedurave të azilit jashtë vendit.

Tutje ajo u shpreh se numri i pritshëm i azilkërkuesve të rinj është, “gjithmonë me kushtin që situata në Lindjen e Mesme, për shembull, të mos ndryshojë plotësisht”, por sipas saj Zvicra ka ende mjete për një politikë humane të azilit.