Kurti priti në takim Rohden, diskutuan për zhvillimet e fundit në vend

Kryeministri i Republikës së Kosovës, Albin Kurti, priti në takim sot Ambasadorin e Gjermanisë në Kosovë, Jörn Rohde, përcjell albinfo.ch.

Siç njofton Zyra e Kryeministrit, ata folën për marrëdhëniet bilaterale dhe bashkëpunimin ndërmjet Kosovës dhe Gjermanisë, temat aktuale dhe zhvillimet e fundit në vend.

“Gjatë këtij takimi, kryeministri Kurti pranoi nga ambasadori gjerman Rohde një kopje të librit “Gjermania dhe Kosova: Historia e një partneriteti” nga autorët Enrico Seewald dhe Urs Unkauf, që përshkruan dhe shtjellon historikun e raporteve të shkëlqyeshme ndërmjet dy shteteve dhe popujve”, thuhet në njoftim.

Po ashtu bëhet e ditur se krahas falënderimit për librin, kryeministri e falënderoi ambasadorin Rohde për bashkëpunimin e afërt dhe shtetin gjerman për mbështetjen e vazhdueshme ndaj Kosovës.