Gjatë 2023-ës janë lëshuar rreth 550.000 pasaporta në Maqedoninë e Veriut

Duket se viti 2023 ka shënuar rekord në lëshimin e pasaportave nga Ministria e Punëve të Brendshme, përcjell albinfo.ch.

Nga MPB  thonë se vetëm për këtë vit janë lëshuar 550.000 pasaporta. Mesatarja e lëshimit të pasaportave për çdo vit, në 20 vjetët e fundit, është prej 150.000-220.000. Nga MPB thonë se gjithashtu janë lëshuar 450.000 letërnjoftime dhe 216.000 patenta të shoferit. Kjo vjen si pasojë e obligimit ligjor për ndërrimin e dokumenteve personale, për shkak të ndryshimit të emrit të shtetit, respektivisht nga Maqedonia, në Maqedonia e Veriut, që erdhi si pasojë e Marrëveshjes së Prespës me Greqinë.