Raketa ruse në territorin polak, NATO po monitoron situatën në Poloni

NATO po monitoron situatën në Poloni pasi një raketë ruse dyshohet të ketë hyrë në hapësirën e saj ajrore për një kohë të shkurtër.

Sipas raportimeve nga Skynews, raketa mendohet të ketë fluturuar mbi territorin polak për tre minuta përpara se të kthehej në hapësirën ajrore të Ukrainës, përcjell albinfo.ch.

Pasojat mund të jenë shumë të rënda, pasi Polonia është anëtare e NATO-s.

“Kam biseduar me presidentin polak, Andrzej Duda, për incidentin me raketa në Poloni. NATO qëndron në solidaritet me aleatin tonë të çmuar, po monitoron situatën dhe ne do të qëndrojmë në kontakt pasi të vërtetohen faktet. NATO mbetet vigjilente”, tha sekretari i përgjithshëm i NATO-s, Jens Stoltenberg.