Inflacioni i Zvicrës ishte mesatarisht 2.1% në vitin 2023

Norma vjetore e inflacionit në Zvicër ishte mesatarisht 2.1% vitin e kaluar, sipas Zyrës Federale të Statistikave, FSO.

Sipas FSO, kjo krahasuar me 2.8% në 2022 dhe 0.6% në 2021. Rritja e vitit të kaluar mund të shpjegohet me çmimet më të larta të energjisë elektrike dhe gazit, si dhe me qiratë më të larta, shkruan albinfo.ch.

Në të kundërtën, çmimet ranë për produktet e naftës, telekomunikacionet dhe ilaçet.

Indeksi i çmimeve të konsumit (CPI) në Zvicër ka mbetur i qëndrueshëm në dhjetor në krahasim me muajin e kaluar. Krahasuar me dhjetorin 2022, indeksi u rrit me 1.7 %. Shifrat e fundit të publikuara të hënën janë pak më të larta se parashikimet e sektorit financiar, i cili ishte një rritje midis 1.4% dhe 1.6%.

Stabiliteti i CPI-së së muajit të kaluar në baza vjetore “është rezultat i tendencave të kundërta, të cilat, në tërësi, kompensojnë njëra-tjetrën”, thotë FSO, duke përmendur rritjen e çmimeve në industrinë e hotelerisë dhe transportin ajror public.

Inflacioni bazë, duke përjashtuar efektin e produkteve të freskëta dhe sezonale, energjisë dhe lëndëve djegëse, u rrit paksa në muajin e kaluar (0.2%), por mbeti nën rritjen e indeksit nga viti në vit (1.5%).

Ndërsa çmimi i produkteve vendase u rrit me 0.3% krahasuar me muajin nëntor, çmimi i produkteve të importuara u tkurr me 0.7%, një trend i vërejtur edhe në bazë vjetore, me vlera përkatësisht 2.3% dhe -0.2%.