Elon Musk bëhet trilioneri i parë në botë, ai “vlen” 1.1 trilion dollarë

Musk, i cili gjithashtu është aksionar kryesor dhe CEO i Tesla-s, tani vlerësohet me një pasuri prej rreth 1.1 trilion dollarësh, sipas Forbes

Aksionet në kompaninë e raketave të (deri më tani) multimiliarderit Elon Musk, SpaceX, janë rritur me 25% pasi u hapën për tregtim të premten në mesditë, në aktin që pritet të jetë debutimi më i madh në bursë në histori.

Aksionet u hapën në 150 dollarë dhe u rritën në 168.90 dollarë rreth orës 12:50 p.m. ET. Ky çmim i dha kompanisë një vlerë tregu prej 2.21 trilionë dollarësh. Musk, i cili gjithashtu është aksionar kryesor dhe CEO i Tesla-s, tani vlerësohet me një pasuri prej rreth 1.1 trilion dollarësh, sipas Forbes.

Elon Musk tha se SpaceX po del në bursë sepse i duhen para për të financuar ambiciet për vendosjen e satelitëve dhe qendrave të të dhënave në hapësirë dhe për krijimin e një kolonie njerëzish në Mars.

Ai shënoi hapjen e tregtimit në Nasdaq, ku aksionet e kompanisë tregtohen me simbolin “SPCX”, duke marrë pjesë në një ceremoni simbolike nga Starbase, në Teksasin jugor, shtëpia e SpaceX.

Sipas raportit, SpaceX ka mbledhur 75 miliardë dollarë nga IPO, duke tejkaluar rekordin e mëparshëm, por kompania vazhdon të ketë humbje miliardëshe. Ajo ka humbur 8.7 miliardë dollarë nga fillimi i vitit 2025 deri më 31 mars 2026.

Disa analistë e kanë quajtur aksionin të mbivlerësuar dhe e vlerësojnë kompaninë më poshtë se çmimi aktual i tregut.

Megjithatë, investitorët vazhdojnë të mbështesin kompaninë dhe Musk, i cili ka themeluar më parë Zip2 dhe PayPal, dhe më pas Tesla dhe SpaceX.

Jo të gjithë investitorët janë të kënaqur me kushtet e IPO-së, përfshirë “super votimin e aksioneve” dhe fuqinë e madhe të Musk mbi kompaninë.

---