Alarmi i Biden, çfarë mund t’i ndodhë Ballkanit nëse SHBA tërhiqet nga Ukraina

(KEYSTONE/AP Photo/Matt Rourke)

Presidenti i Shteteve të Bashkuara të Amerikës, Joe Biden, ka alarmuar se anulimi i mundshëm i ndihmës financiare për Ukrainën mund të shpije në fitore të shpejtë të Rusisë, e madje edhe krizë të re në Ballkan.

“Nëse ne ikim dhe Rusia është në gjendje ta vazhdojë sulmin dhe ta shembë Ukrainën, çfarë mendoni se do të ndodhë në vendet e Ballkanit? Kjo ndryshon dinamikën”, ka pyetur Bideni kryebashkiakët në SHBA në një takim, transmeton NBC News.

Sipas njoftimit, Bideni dhe këshilltarët më të lartë të sigurisë kanë kërkuar të mbështetet iniciativa për përkrahje të mëtutjeshme të Ukrainës teksa presidenti është zotuar se Shtëpia e Bardhë do t’i qëndrojë krah Ukrainës për, siç tha, aq sa të ketë nevojë.

Tutje ai ka shtuar se nëse SHBA-ja heq dorë nga Ukraina, Rusia mund të triumfojë për pak javë apo më shumti pak muaj.