Dy vjet nga lufta në Ukrainë

Keystone (AP Photo/Alexei Alexandrov)

Lufta ka dy vjet që po vazhdon dhe ushtrisë ukrainase po i mbaron avulli. Ajo përballet me mungesën e armëve dhe të njerëzve. Shoqëria civile ka filluar të lodhet edhe nga zvarritja e vendeve perëndimore, por edhe nga problemet e korrupsionit që po gllabërojnë vendin dhe nga sulmet e përditshme ajrore ruse.

Volodymyr Zelensky të premten u bëri thirrje aleatëve perëndimorë të Kievit që të dorëzojnë shpejt sisteme të reja të mbrojtjes ajrore dhe avionë luftarakë. Presidenti ukrainas ndodhet në Lviv, ku do të takohet me një delegacion të senatorëve demokratë amerikanë.

Presidenti i SHBA Joe Biden konfirmoi të premten një veprim prej disa qindra sanksionesh të reja për të siguruar që presidenti rus Vladimir Putin “të paguajë një çmim edhe më të lartë për agresionin [kundër Ukrainës] dhe shtypjen” në Rusi. Sistemi rus i pagesave Mir është në mesin e më shumë se 500 individëve dhe organizatave të synuara.

Ignazio Cassis dëshiron një takim për Ukrainën “deri këtë verë” në Zvicër. Para Asamblesë së Përgjithshme të OKB-së, Këshilltari Federal foli të premten për një “konferencë të nivelit të lartë” dhe jo për një “samit paqeje”, siç dëshiron Ukraina.

Vladimir Putin përshëndeti “heronjtë autentikë të popullit” që luftojnë për Kremlinin në Ukrainë në urimin e tij për Ditën e “Mbrojtësve të Atdheut”, një homazh i bërë në Rusi për forcat e armatosura në prag të përvjetorit të dytë të sulmit kundër Ukrainë.