Lajme
S’ka armëpushim mes Hamasit dhe Izraelit
Hamasi ka refuzuar kërkesën për listën e plotë me emrat e pengjeve që janë ende gjallë dhe si pasojë Izraeli i ka bojkotuar bisedimet e armëpushimit në Gaza.
Delegacioni i Hamasit kishte arritur në Kajro për bisedime, të cilësuara si një pengesë e mundshme përfundimtare përpara një marrëveshjeje që do të ndalonte luftimet për gjashtë javë, megjithatë në mbrëmjen e hershme mungonte delegacioni izrealit në Kajro, sipas mediave izraelite, transmeton Reuters.
“Nuk ka asnjë delegacion izraelit në Kajro. Hamasi refuzon të japë përgjigje të qarta dhe për këtë arsye nuk ka asnjë arsye për të dërguar delegacionin izraelit”, thuhet në njoftim.
Në anën tjetër, Shtetet e Bashkuara të Amerikës kanë këmbëngulur se marrëveshja e armëpushimit është afër dhe duhet të jetë në kohë për të ndalur luftimet deri në fillim të muajit të shenjtë të Ramazanit, i cili është një javë larg, por palët ndërluftuese kanë dhënë pak shenja në publik për të hequr dorë nga kërkesat e mëparshme, shkruan albinfo.ch.
Raportimet në bazë të burimeve treguan dje se Izraeli mund të qëndronte larg Kajros nëse Hamasi nuk paraqiste fillimisht listën e tij të plotë të pengjeve që janë ende gjallë, teksa një burim palestinez i tha Reutersit se Hamasi deri më tani e kishte refuzuar këtë kërkesë.
Në negociatat e kaluara Hamasi ka kërkuar të shmangë diskutimin e mirëqenies së pengjeve individuale deri në përcaktimin e kushteve për lirimin e tyre.
Një zyrtar amerikan u tha gazetarëve të shtunën: “Rruga drejt një armëpushimi tani fjalë për fjalë në këtë orë është gati. Dhe ka një marrëveshje në tryezë. Ka një marrëveshje strukturë”. Sipas tij, Izraeli kishte rënë dakord me këtë marrëveshje strukturë dhe tani i takonte Hamasit të përgjigjej.
E-Diaspora
-
A mendoni se vetëm 400 mijë shqiptarë janë në diasporë? Deri më tani, referuar statisitkave, mbi 400 mijë persona janë regjistruar nga diaspora, shkruan albinfo.ch. Në...
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
Jeta në Zvicër
-
Zvicër: Xhel, që ul nivelin e alkoolit në gjak dhe mbron trupin Studiuesit në ETH Cyrih thonë se kanë zhvilluar një xhel që kundërshton ndikimin negativ të alkoolit....
-
Aksident në Aristau AG mes autobusit dhe makinës
-
74 punonjës të Pfizer në Zug kërcënohen me largim nga puna
-
I akuzuari për tregti me drogë: “Jam eksploatuar nga bosi im në Shqipëri”
-
A mund të marr nënshtetësinë zvicerane dhe të lëviz menjëherë jashtë vendit?