LAPSH në Cyrih uron për 7 Marsin

Lidhja e Arsimtarëve dhe Prindërve Shqiptarë ”Naim Frashëri” u ka uruar 7 Marsin të gjithë mësuesve shqiptarë.

“Të dashura mësuese e të dashur mësues të LAPSH ,,Naim Frashëri”, dhe të mbarë kombit tonë, ju që po bëni përpjekje për ta ruajtur dhe zhvilluar gjuhën tonë të bukur, tani 30 vjet me radhë larg atdheut, ju që po çoni në vend amanetin e Pandeli Sotirit e shumë mësuesve të cilët dhanë jetën e tyre për gjuhën dhe shkollën shqipe që po mbajnë ndezur dritën e diturisë, duke nderuar edhe prindërit shqiptarë, të cilët me kontributin e tyre mbajnë gjallë mësimin e gjuhës shqipe në mërgatë, po ashtu duke mos harruar edhe kontribuesit shqiptarë, të cilët po mbështesin vite me radhë LAPSH, dhe duke vlerësuar punën dhe mundin tonë”, shkruhet në postimin e LAPSH-it.

7 Marsin e bënë edhe më madhështor Epopeja e UÇK-së në krye me komandant Adem Jasharin, e cila festohet dhe mbyllet po në Ditën e mësuesit. /Albinfo.ch