Ukraina dhe SHBA-ja arrijnë marrëveshje për shtyrjen e pagesave të borxhit

Keystone EPA/SERGEY KOZLOV

Ministri ukrainas i Financave, Serhii Marchenko, dhe ambasadorja e Shteteve të Bashkuara të Amerikës në Ukrainë, Bridget Brink, kanë nënshkruar një marrëveshje në lidhje me shtyrjen e pagesës së borxhit kombëtar.

Sipas mediave ukrainase, Machchenko ka deklaruar se nënshkrimi i kësaj marrëveshjeje do të mundësojë uljen e barrës së borxhit në buxhetin e shtetit të Ukrainës dhe ridrejtimin e fondeve që duhet të ishin paguar për shlyerjen e borxhit dhe shërbimin sipas nevojave të sektorit social dhe humanitar.

“Ne u jemi mirënjohës partnerëve tanë për kontributin e tyre të rëndësishëm për të mbështetur stabilitetin makro-financiar dhe rritjen ekonomike të Ukrainës gjatë luftës”, ka thënë ai, transmeton albinfo.ch.

Ndërkaq, përfundimi i kësaj marrëveshjeje parashikohet me Memorandumin e Mirëkuptimit për pezullimin e pagesës së borxhit kombëtar me grupin e kreditorëve zyrtarë të Ukrainës nga vendet e G7 dhe Klubit të Parisit.

Një grup kreditorësh zyrtarë të Ukrainës nga vendet e G7 dhe Klubi i Parisit në muajin dhjetor të vitit të kaluar janë dakorduar për të pezulluar pagesat zyrtare të borxhit deri në vitin 2027.