Lajme
Ursula vor der Leyen, nën hetim për vaksinat anti-Covid
Telashe në horizont po duken për presidenten e Komisionit Evropian, Ursula von der Leyen. Prokurorët e lartë europianë po hetojnë negociatat e saj për blerjen e vaksinave anti-COVID me drejtuesin e kompanisë Pfizer. Këtë e raporton media e njohur Politico, që citon një zëdhënës nga zyra e prokurorisë, e cila sqaron se po shqyrtohen dyshimet nëse janë bërë shkelje kriminale.
Në fakt, hetimi është një vazhdim i një investigimi të bërë nga prokurorët e Belgjikës ndaj Von der Leyen për “ndërhyrje në funksionet publike, shkatërrim të SMS-ve, korrupsion dhe konflikt interesi”, sipas dokumenteve të siguruara nga Politico.
Çështja e pagëzuar me emrin “Pfizergate”, për blerjen më të madhe të vaksinave për pandeminë koronavirus, është ngritur vitin e kaluar nga politikani belg Frederic Baldan, që më pas mori mbështetjen e qeverisë së Polonisë dhe Hungarisë. Në qendër janë mesazhet e shkëmbyera mes Von der Leyen dhe kreut të Pfizer, Alber Bourla, të raportuara së pari nga media amerikane New York Times, përmes së cilave dyshohet se janë përcaktuar kushtet e marrëveshjes, që ende mbahen sekret.
Prokurorët europianë që po hetojnë marrëveshjen me vlerë mbi 20 miliardë euro për krime financiare, në teori mund të sekuestrojnë telefona dhe materiale të tjera nga zyrat e Komisionit Europian, apo kudo në Europë, përfshirë vendlindjen e Von der Leyen. Ky zhvillim vjen në një moment kur shefja e KE-së po kërkon një mandat të dytë.
Marrëveshja mes Brukselit dhe Pfizer është arritur në mes të pandemisë në vitin 2021 dhe është parë si një triumf i madhe për politikanen gjermane, por polemikat nuk kanë munguar gjatë këtyre viteve, me raportime të shumta që sugjerojnë se vitin e kaluar janë shpërdoruar doza vaksinash me vlerë 4 miliardë euro.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim