Edhe spanjollët shkruajnë për bukuritë e Shqipërisë

Shqipëria është bërë shumë e njohur mes atyre që duan të shijojnë plazhet si parajsë pa pasur nevojë të kalojnë asnjë oqean

Shqipëria është kthyer në një atraksion turistik në sytë e botës, ku mediat e huaja po flasin gjithnjë e më shumë për bukuritë e saj, ndërsa ftojnë turistët të vizitojnë disa nga vendet më të bukura që të ngjajnë sikur je në Karaibe.

E përditshmja spanjolle “20Minutos” vlerëson në Shqipëri përzierjen e natyrës me qytetet historike, plazhet e kristalta me malet e larta, diellin dhe rërën apo guralecët e bardhë, transmeton albinfo.ch.

“Shqipëria është bërë shumë e njohur mes atyre që duan të shijojnë plazhet si parajsë pa pasur nevojë të kalojnë asnjë oqean. Aty gjejmë një destinacion jo vetëm ekonomik, por plot mrekulli natyrore dhe kulturore që ia vlen të vizitohen. Madje turistët spanjollë mund të bëjnë një tur për ta parë vendin brenda një jave.

Duke filluar nga Tirana, kryeqyteti i saj, ku mund të zbuloni vendet më emblematike të saj, si Sheshi Skënderbej, Muzeu Kombëtar i Arteve të Bukura apo Piramida e Tiranës, një ndërtim shumë i veçantë në qytet.

Por, nëse esenca e Karaibeve është ajo që na ka sjellë në Shqipëri dhe plazhet me ujë të kristaltë e bukuri natyrore, atëherë Saranda duhet të jetë pikënisja e aktivitetit tuaj.

Gjithashtu mund të nisni një turn në rivierën e jugut të Shqipërisë, duke nisur nga Himara, Borshi me një bregdet 7 km me rërë dhe ujërat e bruztë. Nëse po kërkoni një vend me idilik, vizitoni Syrin e Kaltër, një burim i shpallur Monument Natyre.

Nga qyteti i Vlorës mund të vizitoni ishullin e Sazanit dhe Karaburunin, thuhet në shkrimin e të përditshmes spanjolle “20Minutos”.

---