Dita Kombëtare e Zvicrës në Shqipëri shënon edhe përfundimin e mandatit të ambasadores Ruth Huber

Foto linkedin: Swiss Albanian Chamber of Commerce

Me rastin e Ditës Kombëtare të Zvicrës, Ambasada e Zvicrës në Shqipëri ka organizuar një ceremoni festive, duke mbledhur së bashku përfaqësues të komunitetit zvicerano-shqiptar, biznesit, institucioneve, trupit diplomatik dhe partnerëve.

Dhoma Zvicerano-Shqiptare e Tregtisë (SWISSA), sponsore krenare e aktivitetit, bëri të ditur se ceremonia mblodhi mbi 250 pjesëmarrës dhe sipas njoftimit, shërbeu si një mundësi për të festuar partneritetin e fortë dhe afatgjatë mes Zvicrës dhe Shqipërisë, transmeton albinfo.ch.

Në këtë mbrëmje u shënua edhe përfundimi i mandatit të ambasadores së Zvicrës në Shqipëri, Ruth Huber.

SWISSA e falënderoi ambasadoren për angazhimin, përkushtimin dhe mbështetjen e vazhdueshme në forcimin e marrëdhënieve dypalëshe dhe zhvillimin e komunitetit të biznesit zviceran në Shqipëri.