Futboll
Xhaka e Shaqiri, në mesin e futbollistëve më të mirë të Zvicrës
Gazeta zvicerane “Blick” të martën ka publikuar listën e 15 futbollistëve më të mirë në histori të Zvicrës.
Në listën prej 15 lojtarëve janë edhe dy shqiptarë.
Në vend të dytë është Xherdan Shaqiri, ndërsa Granit Xhaka renditet i katërti. Më i miri i Zvicrës, sipas “Blick”, është Stephane Chapuisat.
“Blick” ka pyetur nëse Xhaka meriton të jetë më lart në renditje pas triumfit në Bundesligë me Bayer Leverkusenin. Xhaka të dielën siguroi titullin e kampionit në Gjermani. Është kapiten i Zvicrës.
Xhaka doli kampion bote në vitin 2009 me grupmoshën U17 dhe nënkampion i Evropës për grupmoshën U21 në vitin 2011. Fitoi dy Kupa FA me Arsenalin. Ka fituar dy tituj dhe një Kupë të Zvicrës me Baselin. Nga tetori i vitit të kaluar, Xhaka është rekordmen për ndeshje të luajtura me Zvicrën. I ka 123 paraqitje dhe 14 gola.
Xherdan Shaqiri ishte nënkampion i Evropës me Shpresat e Zvicrës në vitin 2011. Ai është lojtari i vetëm i përfaqësueses së Zvicrës që ka fituar dy herë Ligën e Kampionëve.
Championsin e fitoi me Bayernin dhe Liverpoolin. Me të dyja skuadrat e mëdha ka fituar edhe tituj kampioni dhe trofe të tjerë. Shaqiri ka marrë pjesë në katër kampionate botërore dhe dy kampionate evropiane. Ka shënuar në çdo kampionat të madh që nga viti 2014.
Shaqiri, i cili luan për Chicago Fire, ka luajtur 121 ndeshje për helvetikët. Ka shënuar 30 gola.
Chapuisat tani është 54-vjeçar. Kulmin e ka arritur si lojtar i Borussia Dortmundit, ndërsa ka luajtur edhe në skuadra të ndryshme zvicerane. Për Zvicrën, sulmuesi ka shënuar 21 gola në 103 ndeshje. Chapuisat ka fituar dy herë Bundesligën dhe një herë Championsin./Koha.net
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
Çfarë është “certifikata familjare” e Zvicrës dhe kush duhet ta ketë atë? Ju ndoshta e dini tashmë se zviceranët thjesht i duan dokumentet dhe ata kanë një dokument...
-
Numri i të punësuarve në Zvicër, ka arritur në 5.3 milionë në tremujorin e parë të 2024-ës
-
S’ka para nga qeveria zvicerane për Eurovizion 2025
-
Ky fshat në Zvicër po projekton diçka të veçantë për turistët
-
Prokuroria kërkon 18 vjet burgim për autorin e vrasjes së Shqiponja Isufit