Xhaka, sërish tregohet gjaknxehtë, por duartrokitet nga tifozët e Baselit

Pas fishkëllimës së fundit të pjesës së parë në duelin me Baselit dhe Lozanos, mesfushori nga Kosova, Taulant Xhaka, e ka ndjekur me shpejtësi portierin kundërshtar Jeremy Vachoux, i cili gjatë hyrjes për në tunelin e stadiumit St. Jakob-Park provokoi tifozët e Baselit duke duartrokitur.

Ky veprim nuk i pëlqeu Xhakës, i cili ishte i pari që me shpejtësi nga mesi i fushës shkoi në drejtim të portierit francez, transmeton albinfo.ch.

Pas Xhakës në tunel u futën edhe lojtarët e të dyja ekipeve. Tifozët e Baselit më pas thirrën në kor emrin e Taulant Xhakës.

Xhaka u ndëshkua me karton të verdhë në minutën e gjashtë shtesë të pjesës së parë. Ai u zëvendësua në minutën e 58-të, teksa ekipi i tij triumfoi me rezultatin 2:0, goli i parë u shënua nga sulmuesi shqiptar, Albian Ajeti.

https://www.bluewin.ch/de/videos/6352913805112.html