Ekipi i Xhakës shënon histori në Bundesligë, e përfundon sezonin pa asnjë humbje

(KEYSTONE/DPA/David Inderlied)

Bayer Leverkusen ka shënuar historinë në Bundesligë pasi e ka mbyllur sezonin pa asnjë humbje. E drejtuar nga Xabi Alonso, skuadra sot ka triumfuar me rezultat 2:1 ndaj Augsburg në ndeshjen e fundit të kampionatit.

Ekipi ku luan Granit Xhaka, e ka mbyllur sezonin me 28 fitore, gjashtë barazime dhe asnjë humbje duke e fituar titullin e kampionit në Gjermani për herë të parë, transmeton albinfo.ch.

Në 34 ndeshje të kampionatit, Bayer Leverkusen ka shënuar 89 gola.

Ndryshe, Stuttgart, Bayern Munich, Leipzig dhe Dortmund janë skuadrat nga Gjermania që do të paraqiten në Ligën e Kampionëve edicionin e ardhshëm.