Në Hanau, hapet shkolla për mësim plotësues në gjuhën shqipe

Ftohen prindërit shqiptarë që jetojnë në këtë pjesë t'i regjistrojnë fëmijët e tyre

Nga sot, Otto Hahn Schule në qytetin Hanau do të ofrojë mësim plotësues në gjuhën shqipe, shkruan albinfo.ch.

Në ceremoninë e hapjes, të organizuar nga Këshilli inicues i shkollës shqipe në kuadër të këtij qyteti, të kryesuar nga znj. Kenada Avdiji, ishin të pranishëm përfaqësues institucionesh, prindër të nxënësve, veprimtarë dhe intelektualë nga diaspora shqiptare si dhe një numër i madh i bashkatdhetarëve.

Përkrahja e lartë për hapjen e kësaj shkolle nga ana e institucioneve vendore u dëshmua me prezencën e  Kryetarit të Qytetit Hanau, Dr. Maximilian Bieri, drejtoreshës së shkollës, znj. Susan Stein dhe kryetarit të Këshillit për Komunitete, z.Ajdin Talic.

Në këtë ngjarje mori pjesë Konsulli i Përgjithshëm, Gëzim Gashi, i cili dhuroi librat si dhe i ofroi mbështetje në drejtim të sensibilizimit të prindërve për regjistrim të femijëve të tyre në shkolla.

Mësimi do të zhvillohet në dy klasë, ndërsa në ambientet e kësaj shkolle mbretëron një atmosferë miqësore.

📢Ftohen prindërit shqiptarë që jetojnë në këtë pjesë t’i regjistrojnë fëmijët e tyre në këtë shkollë.

Adresa e shkollës:

Kastanienallee 69

63454 Hanau

---