Të paktën katër të vdekur në jug të Floridas

Keystone (AP Photo/Martin Zetina)

Të paktën katër persona kanë vdekur në jug të Floridas, si pasojë e tornadove para uraganit “Milton”.

Para se uragani të arrinte në tokë, shirat e dendur dhe tornadot goditën pjesë të jugut të Floridas të mërkurën në mëngjes, raporton “AP”.

Drejtori i Departamentit të Floridas për Menaxhim të Emergjencave, Kevin Guthrieve, ka deklaruar se rreth 125 shtëpi u shkatërruan para se të arrinte uragani, shumica prej tyre shtëpi të lëvizshme për të moshuar.

Nga ana tjeter, guvernatori i Floridas, Ron DeSantis, ka thënë se stuhia ka sjellë shumë dëme e shkatërrime.

“Do të kuptojmë me kalimin e ditës përmasën e dëmeve”, ka thënë ai në një adresim për media, transmeton albinfo.ch.