Pse më shumë meshkuj ukrainas po kërkojnë mbrojtje në Zvicër?

Keystone EPA/ROMAN PILIPEY

Më pak njerëz po ikin në Zvicër nga Ukraina, por përqindja e meshkujve po rritet, sipas një raporti në SonntagsZeitung.

Në vitin 2024, raporti gjinor i kërkesave për mbrojtje të paraqitura nga ukrainasit pothuajse është balancuar: deri më tani këtë vit, 52% e aplikimeve janë bërë nga gra dhe 48% nga burra, tregojnë të dhënat nga Sekretariati Shtetëror për Migracionin (SEM).

Ndryshimi mund të jetë rezultat i zgjedhjeve të bëra nga ata që, duke u zhvendosur në Zvicër, duan të shmangin shërbimin ushtarak, transmeton albinfo.ch.

“Rritja e numrit të azilkërkuesve meshkuj mund të lidhet me faktin se Ukraina ka intensifikuar mobilizimin që nga pranvera e vitit 2024”, tha SEM.

Që nga marsi i vitit 2022, Zvicra ka dhënë mbrojtje të përkohshme për njerëzit që ikin nga lufta në Ukrainë, një politikë e ngjashme me atë të Bashkimit Evropian.