Kriza në Ukrainë
Shtëpia e Bardhë thotë se ndihma e re për Ukrainën është rrugës
Pentagoni ka bërë të ditur ndihmë të re ushtarake për Ukrainën në vlerë të 425 milionë dollarëve, duke regjistruar ndihmën e 69-të me radhë për këtë vend në vjetët e fundit.
Ky njoftim është bërë vetëm disa ditë para mbajtjes së zgjedhjeve presidenciale në Shtetet e Bashkuara, të cilat kanë rëndësi të madhe për vazhdimësinë e ndihmës amerikane për Ukrainën.
Komentet përmbyllëse që janë bërë në fushatë nga ish-presidenti, Donald Trump, i nominuar i republikanëve për president, kanë vënë në pah dallimet e thella me nënpresidenten amerikane, Kamala Harris, e nominuar e demokratëve për presidente, kur është fjala për ndihmën e shtetit për Ukrainën, e cila po përballet me pushtimin rus që dy vjet e gjysmë.
Trump është raportuar të ketë thënë në Miçegen se “ata na kanë shtyrë në Ukrainë. Ne nuk është dashur të ndërhyjmë kurrë në Ukrainë. Nëse do të isha president, nuk do të përfshiheshim në Ukrainë”.
Shtetet e Bashkuara janë lidere në ofrim të ndihmës për Ukrainën, si financiare, ashtu edhe ushtarake, por nuk është raportuar të kenë dërguar ndonjëherë trupa ushtarake atje.
Harris dhe disa republikanë me ndikim kanë insistuar që mbështetja amerikane është thelbësore për mbrojtje të demokracisë dhe dhënie fund të agresionit rus në Evropë dhe Perëndim.
Presidenti ukrainas, Volodymyr Zelensky ka bërë thirrje që disa muaj që Perëndimi t’ia mundësojë përdorimin e armëve për të sulmuar më thellë në Rusi, dhe këtë javë i ka akuzuar ata për mosveprim kundrejt planeve të përflituara të Rusisë për të angazhuar mijëra trupa ushtarake koranoveriore në Ukrainë.
Zelensky ka thënë më 1 nëntor se të gjitha shtetet që nuk dëshirojnë që lufta të zgjerohet në rajonet e tyre, “duhet të veprojnë”.
Sekretari amerikan i Shtetit, Lloyd Austin, ka thënë në shtator se përdorimi i armëve amerikane për sulme të thella në Rusi, nuk do të kthente situatën e luftës në të mirë të Ukrainës.
Shtetet e Bashkura dhe vendet aleate kanë hedhur poshtë mundësinë e sulmeve brenda Rusisë, pasi shqetësohen se përgjigjja ruse mund të përfshijë armë bërthamore.
Ish-presidenti rus, njëherësh zyrtar i lartë rus, Dmitry Medvedev, është cituar të ketë thënë se Uashingtoni gabon nëse beson se Moska nuk do t’i përdorë armët bëthmore, nëse i rrezikohet ekzistenca.
Ai dhe zyrtarë tjerë kanë paralajmëruar vazhdimisht për mundësinë e përgjigjes bërthamore, në kushte të caktuara.
Lufta në Ukrainë ka nisur më 24 shkurt të vitit 2022.
Presidenti rus, Vladimir Putin, e quan luftën “operacion special ushtarak” për të çmilitarizuar Ukrainën. Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.
Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./ REL
E-Diaspora
-
Komisioni Qendror i Zgjedhjeve hap 23 kuti postare për votuesit e diasporës Komisioni Qendror i Zgjedhjeve i Kosovës ka vënë në funksion 23 kuti postare në shtete të... -
Ministrja shqiptare paralajmëron iniciativa për të drejtat e diasporës në Greqi -
Udha e Lorik Canës: Sporti, Kultura dhe Kombi -
Program përkujtimor kushtuar Masakrës së Reçakut -
Abdixhiku: Diaspora nuk i prish balancat demokratike në Kosovë, ajo i pasqyron ato
Jeta në Zvicër
-
Pse Zvicra duhet të përqendrohet më shumë te kursimi i energjisë? Kushtetuta e Zvicrës parashikon që energjia të përdoret me kursim dhe në mënyrë të arsyeshme. Fondacioni... -
Temu, Shein, AliExpress: A duhet Zvicra të taksojë paketat kineze si BE-ja? -
Këshilli Kombëtar i Zvicrës miraton 1 milion franga për luftën kundër dhunës me bazë gjinore -
Asnjë kaos nga ndryshimi më i madh i orareve të transportit publik në Cyrih -
Studim alarmues: Deri në 90% e akullnajave mund të zhduken deri në vitin 2100
