BDI, kundër vendimit të fundit të Gjykatës Kushtetuese për Ligjin mbi gjuhët

Për BDI-në vendimi i Gjykatës Kushtetuese që të dëgjojë mendime nga ekspertët lidhur me ligjin për përdorimin e gjuhëve është i papranueshëm. Kreu i BDI-së, Ali Ahmeti, theksoi se nismat duhet të hidhen poshtë dhe të mbyllet kapitulli.

“Me rëndësi për ne është që sot përderisa janë etnikisht të pastër aty, kanë përgjegjësinë morale përpara komunitetit maqedonas që në këtë seancë të hedhin poshtë që të 13 iniciativat dhe përfundimisht të mbyllet ky kapitull dhe të mos lihen gjërat të hapura”, tha Ali Ahmeti, kryetar i BDI-së.

Të martën Gjykata Kushtetuese në Maqedoninë e Veriut ka shtyrë seancën për të shqyrtuar ankesat për Ligjin për Gjuhët në Maqedoninë e Veriut.
Për këtë çështje do të vendoset pas konsultimit me partitë politike dhe ekspertët.