Polonia refuzon pjesëmarrjen në një trupë paqeje në Ukrainë

@pixabay

Presidenti francez, Emmanuel Macron, të enjten bëri thirrje për bashkëpunim të ngushtë midis Evropës dhe SHBA-së në përpjekjet për t’i dhënë fund luftës në Ukrainë, me kushte të pranueshme nga Kievi.

Macroni foli në Varshavë pas një takimi me kryeministrin polak, Donald Tusk.

“Ne duhet të punojmë shumë ngushtë me amerikanët dhe, natyrisht, me Ukrainën për të gjetur një mënyrë që merr parasysh interesat e Ukrainës, sovranitetin e saj, si dhe interesat e evropianëve dhe sigurinë e tyre”, tha Macroni.

Ai foli në mbështetje të “një paqeje të negociuar nga ukrainasit dhe që u ofron atyre siguri të qëndrueshme”.

Macroni vuri në dukje gjithashtu rëndësinë e koordinimit midis vendeve evropiane në formulimin e garancive të sigurisë për Ukrainën pas një marrëveshjeje të mundshme paqeje me Rusinë.