Bitcoin pritet të arrijë rritje mahnitëse gjatë vitit 2025

Pas një rritjeje mahnitëse në bitcoin gjatë 2024, investitorët dhe drejtuesit e industrisë thonë se kriptomonedha ikonike pritet të arrijë nivelet më të larta të të gjitha kohërave në vitin 2025.

Sipas CNBC, në dhjetor 2024, kriptomonedha më e madhe në botë theu rekordin e shumëpritur prej 100,000 dollarësh, duke vendosur një çmim rekord.

Kjo ishte pas fitores historike të zgjedhjeve të Donald Trump. i cili kandidoi në një platformë të politikave pro-kriptomonedhës në nëntor.

Miratimi i ETF-ve u pa gjerësisht si një moment i rëndësishëm për kriptomonedhën pasi zgjeron tërheqjen e saj për më shumë investitorë të zakonshëm.

Momenti tjetër madhor në 2024 ishte përgjysmimi, një ngjarje që zhvillohet çdo katër vjet dhe redukton ofertën e bitcoin në treg. Kjo zakonisht është shumë mbështetëse për çmimin e bitcoin.

Këto zhvillime kanë ndihmuar kripto-n të kapërcejë narrativën e një industrie të rrënuar nga skandalet. Kjo ishte tema mbizotëruese e vitit 2023, pasi dy nga figurat më të shquara të kriptove, Sam Bankman-Fried i FTX dhe Changpeng Zhao i Binance, morën dënime me burg.

Këtë vit qe kaloi, bitcoin është dyfishuar në vlerë. Pritet gjerësisht që bitcoin të shohë një vrull çmimi edhe më pozitiv në vitin 2025, me disa vëzhgues të industrisë që parashikojnë një dyfishim të vlerës së tij,në 200,000 dollarë.