KQZ nis procesin e vlerësimit të votave me postë

Foto FB: Komisioni Qendror i Zgjedhjeve

Votat e diasporës të cilat u dërguan me postë në Kosovë sapo i janë nënshtruar procesit të vlerësimit nga ana e KQZ-së.

Sipas procedurave, fillimisht këto pako me fletëvotime i nënshtrohen procesit të vlerësimit, i cili përfshinë verifikimin nëse ato u takojnë votuesve të regjistruar dhe nëse janë ndjekur procedurat tjera të parapara, ndërkaq numërimi i këtyre fletëvotimeve do të bëhet në një fazë të mëvonshme në Qendrën e Numërimit dhe Rezultateve, pas ditës së zgjedhjeve.

Ky proces po vëzhgohet nga vëzhgues të akredituar nga KQZ-ja.