Bota
Shtetet e BE-së të ‘zhytura’ në borxhe
Diskutimi është bërë edhe më urgjent për shkak të kërkesave të SHBA-së që BE të paguajë më shumë për mbrojtjen e bllokut

Friedrich Merz, kandidati favorit i Gjermanisë për t’u zgjedhur kancelar, u shpreh se është “shumë i shqetësuar” që Bashkimi Evropian po shkon drejt një krize tjetër financiare, sepse qeveritë kanë marrë shumë borxhe. “Ne nuk mund të jemi aq të pakujdesshëm me financat tona publike sa disa të tjerë,” tha udhëheqësi konservator.
Ai nuk i përmendi emrat e vendeve, por gjashtë shtete në BE, si Franca, Italia, Greqia, Belgjika, Spanja dhe Portugalia, kanë një borxh më të madh se prodhimi i tyre vjetor ekonomik. “Kriza tjetër financiare është duke ardhur,” tha ai. “Do të jetë një krizë borxhi sovran. Nuk e dimë se kur apo nga do të vijë, por nuk do të mungojë.”
Pesë ditë para zgjedhjeve të përgjithshme në Gjermani, komentet e Merz vijnë mes një debati mbi reformimin e frenimit të borxhit, që kufizon huamarrjen strukturore neto të qeverisë federale në 0.35 për qind të prodhimit të brendshëm bruto. Diskutimi është bërë edhe më urgjent për shkak të kërkesave të SHBA-së që BE të paguajë më shumë për mbrojtjen e bllokut, shkruan Scan, transmeton albinfo.ch.
Kjo është një sfidë masive për Gjermaninë, politikanët e së cilës ende po kuptojnë se si vendi do të përmbushë premtimin e tij ndaj NATO-s për të investuar ekuivalentin e 2 për qind të PBB-së në mbrojtje pas vitit 2027. Berlini krijoi një fond të dedikuar prej 100 miliardë eurosh për të modernizuar ushtrinë gjermane pas sulmit të Rusisë ndaj Ukrainës në 2022, duke e ndihmuar atë të përmbushë këtë objektiv, por pjesa më e madhe e parave tashmë janë vendosur. Vendit do t’i duhet të shpenzojë 30 miliardë euro shtesë në vit.
Dy opsionet më të mundshme të Merz për një partner të vogël koalicioni, Partia Social Demokratike (SPD) e kancelarit Olaf Scholz dhe të Gjelbërit, megjithatë kanë argumentuar prej kohësh se sfidat e Gjermanisë nuk mund të trajtohen pa ndryshuar kufirin kushtetues për huamarrjen. Prandaj, çështja pritet të luajë një rol të madh në negociatat e koalicionit.
Për sa i përket emigracionit, Merz zotohet të mbyllë kufijtë e Gjermanisë në ditën e parë të mandatit të tij, ndërsa të Gjelbërit i konsiderojnë plane të tilla të paligjshme, duke e bërë më të mundshëm një koalicion me Partinë Social Demokrate, udhëheqësit e së cilës kohët e fundit kanë marrë një qëndrim më të ashpër për trajtimin e emigracionit të paligjshëm.
Merz tha se do të ndalonte azilkërkuesit që janë klasifikuar si potencialisht të rrezikshëm nga autoritetet e vendit, do të rifillonte deportimet në vendet me të cilat Gjermania nuk po bashkëpunon deri më sot, sepse ata udhëhiqen nga ekstremistët si talebanët në Afganistan, si dhe do të takohej me qeveri të tjera për të lidhur marrëveshje emigrimi, sipas shembullit të kryeministres italiane Giorgia Meloni.
E-Diaspora
-
Gazeta zvicerane shkruan për mërgimtarët: Parada luksoze e makinave në një dasmë në Kosovë Gazeta zvicerane Blick ka raportuar për një ngjarje të pazakontë dhe spektakolare që ka ndodhur në...
-
Sulm me armë në Nju-Jork: Pesë të vdekur, mes tyre edhe sulmuesi
-
Livia Sadikaj shpallet studentja më e mirë e vitit në ACT College Thessaloniki
-
Në kryeqytetin e Kosovës jehoi zëri i dy operistëve shqiptarë me famë botërore
-
Rritet puna në bizneset kosovare falë diasporës
Jeta në Zvicër
-
Zvicra mbetet magnet për blerësit e produkteve luksoze Sipas një analize të publikuar sot nga firma konsulente EY, tregu i luksit në Zvicër u...
-
Përmbytje në Sachseln, niveli i ujit në Liqenin Sarnen rritet me mbi një metër
-
Gazeta zvicerane shkruan për mërgimtarët: Parada luksoze e makinave në një dasmë në Kosovë
-
Zvicra feston suksesin e Kampionatit Evropian të Futbollit për Femra
-
Laura Dahlmeier plagoset rëndë gjatë alpinizmit