Japonia po përballet me zjarrin më të madh në dekada, raportohet për të vdekur dhe mijëra të evakuuar

Foto Ilustrim Keystone EPA/BRAIS LORENZO

Japonia po përballet me zjarrin më të madh në më shumë se tre dekada, si pasojë e të cilit ka vdekur një person dhe janë evakuuar mijëra të tjerë.

Agjencia e Menaxhimit të Zjarrit dhe Fatkeqësive ka raportuar se flakët vlerësohet të jenë përhapur në rreth 1200 hektarë në pyllin Ofunato në rajonin verior të Iwate, transmeton albinfo.ch.

“Ne jemi ende duke ekzaminuar madhësinë e zonës së prekur, por është më e madhja që nga zjarri i vitit 1992”, tha një zëdhënës i agjencisë.

Si pasojë e zjarrit të vitit 1992 janë djegur 1030 hektarë ndërsa tani rreth 1,700 zjarrfikës janë duke u mobilizuar nga i gjithë vendi.

Deri më tash shkaku i zjarrit mbetet i panjohur.