Lajme
Tragjedi në Vankuver: SUV përplas turmën në festival, disa të vdekur dhe të plagosur

Një ngjarje tragjike ndodhi të shtunën në mbrëmje në Vankuver, ku një burrë përplasi me makinën e tij SUV dhjetëra persona gjatë Festivalit Lapu Lapu të komunitetit filipino-kanadez. Si pasojë, disa persona humbën jetën dhe disa të tjerë u plagosën, shkruan SRF, transmeton albinfo.ch.
Incidenti ndodhi rreth orës 20:14 me orën lokale në lagjen Sunset on Fraser, ku mijëra njerëz ishin mbledhur për të festuar. Sipas dëshmitarëve, burri përplasi mbi një duzinë personash dhe tentoi të largohej, por u ndalua nga të pranishmit në vendngjarje.
Policia konfirmoi se i dyshuari, një 30-vjeçar nga Vankuveri i njohur për autoritetet, është arrestuar dhe ndodhet në paraburgim. Deri tani, nuk ka shenja që incidenti të ketë qenë akt terrorist.
“Kemi besim se nuk bëhet fjalë për një sulm terrorist”, njoftoi policia përmes një deklarate në platformën X. Detaje të mëtejshme mbi numrin e viktimave dhe të plagosurve ende nuk janë bërë publike, transmeton albinfo.ch.
Ngjarja ka shkaktuar tronditje në mbarë vendin. Kryeministri kanadez Mark Carney reagoi duke shprehur dhimbjen e tij: “Jam i shkatërruar nga ngjarjet e tmerrshme në Festivalin Lapu Lapu sonte. Ngushëllimet e mia më të thella shkojnë për familjet e viktimave dhe të plagosurve, si dhe për komunitetin filipino-kanadez.”
Edhe kryetari i bashkisë së Vankuverit, Ken Sim, tha se ishte i tronditur dhe i pikëlluar nga incidenti, duke shprehur mbështetje për të gjithë të prekurit.
Festivali Lapu-Lapu, i cili nderon heroin kombëtar filipinas që luftoi kundër kolonizimit në vitin 1521, kishte marrë një rëndësi të veçantë në British Columbia që nga viti 2023, kur 27 prilli u shpall zyrtarisht Dita e Lapu-Lapu.
Ngjarja ndodhi vetëm një ditë para zgjedhjeve parlamentare që do të mbahen të hënën në Kanada, transmeton albinfo.ch.
E-Diaspora
-
Një vit të mbarë shkollor në gjuhën shqipe! Janë me dhjetëra e qindra ata që ecin me krenari në gjurmët e prindërve të tyre,...
-
Romani “ë” i autores Jehonë Kicaj nominohet për Çmimin Gjerman të Librit 2025
-
Kompania e autobusit të aksidentuar: Vetëm tre persona të lënduar në Gjermani
-
Po afron gala e pestë e çmimeve swissalbs Award Gala Night 2025
-
Zvicra pret Kosovën në Bazel më 5 shtator 2025
Jeta në Zvicër
-
Moti në Zvicër: Pas valës së të nxehtit, shira të bollshëm Ndryshimi nga i nxehti dhe i thatë në më të freskët dhe të lagësht ishte mjaft...
-
Kantoni zviceran nuk gjen asnjë shenjë të viruseve tropikale te mushkonjat
-
Një kredi prej 20 milionë eurosh për ata që duan të largohen nga Brienz
-
Lajm i keq për pronarët e makinave elektrike në Zvicër
-
Deficiti i fondit të pensioneve të Zvicrës ka të ngjarë të jetë më i vogël se sa pritej