Lajme
Shumica e zviceranëve pro ndalimit të rrjeteve sociale për fëmijët

Një shumicë e madhe e popullsisë në Zvicër mbështet ndalimin e rrjeteve sociale për fëmijët dhe të rinjtë nën moshën 16 vjeç. Gjithashtu, ndalimi i përdorimit të telefonave inteligjentë në shkolla gjen përkrahje të gjerë.
Sipas një studimi të kryer nga instituti i kërkimeve Sotomo, 80% e të anketuarve janë në favor të një ndalese për përdorimin e platformave si Instagram, TikTok e të ngjashme nga të miturit. Pothuajse po aq mbështesin ndalimin e telefonave në klasë dhe në oborret e shkollave, transmeton albinfo.ch.
Masa tashmë në zbatim
Një hap konkret është marrë nga Drejtoria e Arsimit në kantonin Nidwalden, ku është ndaluar përdorimi privat i celularëve në shkollat fillore. Kjo ka ngjallur diskutime të gjera në opinion.
Statistikat e mbështetjes
Sipas rezultateve të sondazhit:
47% janë plotësisht pro ndalimit
33% më tepër pro
14% më tepër kundër
6% kundër
Autori i studimit, Michael Hermann, thekson se ky është një sinjal i qartë që publiku kërkon masa për të mbrojtur fëmijët në botën dixhitale.
Rreziqet: Bullizmi kibernetik dhe përmbajtja e papërshtatshme
Sipas prindërve, rreziqet më të mëdha janë bullizmi online, ekspozimi ndaj përmbajtjes me përmbajtje seksuale apo të dhunshme, dhe përdorimi i tepërt i internetit. Megjithëse 62% e prindërve ndihen të aftë të mbrojnë fëmijët e tyre nga rreziqet online, zbatimi i rregullave në praktikë është i vështirë.
97% e prindërve kanë vendosur masa mbrojtëse, si kufizimi i platformave ose i kohës para ekranit. Por rreth gjysma e tyre hasin vështirësi në zbatimin e këtyre masave, çka shpesh çon në debate në familje.
Sfida për politikën
Sipas Hermann, megjithëse Zvicra është e kujdesshme ndaj rregullimeve të tilla, presioni ndaj politikës është i madh sepse bëhet fjalë për mbrojtjen e fëmijëve. Kjo e bën më të mundshme që masa të tilla të miratohen në të ardhmen.
Përdorimi i tepërt i celularëve
Studimi, i kryer për llogari të kompanisë së sigurimeve AXA, përfshiu rreth 1700 persona nga Zvicra gjermane dhe ajo frëngjisht-folëse. 46% e të anketuarve thonë se dëshirojnë të kalojnë më pak kohë në telefon. Më shumë se dy të tretat mendojnë se përdorimi i përgjithshëm i internetit nga popullsia është i rrezikshëm.
Të tjera nga Lajme
E-Diaspora
-
Gjermani: 7200 euro gjobë shtetasit kosovar për vetëpunësim të rremë Punëtori kosovar i ndërtimit punonte njëkohësisht si punonjës dhe "i vetëpunësuar" për të njëjtën kompani. Gjobitet...
-
Ansambli ‘Pavarësia’ përfaqëson kulturën shqiptare në Festivalin Ndërkombëtar të Shtutgartit
-
Sot i jepet lamtumira e fundit mërgimtarit që u mbyt në Liqenin e Ujmanit
-
Mbante niqab në vend publik: Gjobitet kosovarja në Bernë
-
“BALFIN Group” i Samir Manes blen godinën ikonike në “zemër” të Vjenës
Jeta në Zvicër
-
Deri në fund të vitit, gjysma e refugjatëve me statusin S duhet të jenë të punësuar Refugjatët nga Ukraina që gëzojnë statusin e mbrojtjes S në Zvicër do të duhet të përfshihen...
-
Zvicër: Pas kritikave po rinegociohet financimi i programeve të skriningut
-
Shefi i Komandës së Operacioneve viziton trupat zvicerane në Kosovë
-
Raporti: Çmimet e banesave në Zvicër vazhdojnë të rriten
-
Spanja destinacioni më i popullarizuar për pasagjerët e Swiss në 2024