ChatGPT po thyen rekorde: Tashmë ndër 5 faqet më të vizituara në planet!

(KEYSTONE/Christian Beutler)

Në prill të këtij viti, ChatGPT, mjeti revolucionar i inteligjencës artificiale nga OpenAI, ka shënuar një tjetër arritje madhore duke hyrë në top 5 faqet më të vizituara në botë, sipas të dhënave nga SimilarWeb.

Vizitorë pa fund dhe kohë rekord qëndrimi

ChatGPT jo vetëm që hyri në ligën e “të mëdhenjve”, por kapërceu edhe gjigantë të tjerë të njohur. Me një kohë mesatare qëndrimi prej 7 minutash e 15 sekondash për vizitor, aplikacioni po tërheq përdorues nga mbarë bota. Në krye të listës mbetet Google me 10 minuta e 31 sekonda qëndrimi mesatar, ndjekur nga YouTube me më shumë se 20 minuta për përdorues.

Facebook dhe Instagram, pjesë e perandorisë Meta, janë ende të forta në lojë, por ChatGPT po u fryn në qafë me ritmin e rritjes.

Nga vendi i 9-të në vendin e 5-të për një vit

Raporti “We Are Social” për vitin 2024 tregoi qartë një ngritje të shpejtë për ChatGPT, nga vendi i 9-të një vit më parë, në vendin e 5-të në vitin 2025. Një ngjitje që flet për ndikimin që ky mjet ka pasur në përditshmërinë digjitale.

Lider i padiskutueshëm në botën e AI-së

Në garën e ngushtë të inteligjencave artificiale, ChatGPT qëndron larg përpara me 4.7 miliardë vizitorë mujorë. Canva renditet e dyta, por me vetëm 887 milionë, ndërsa Google Translate e ndjek me 595 milionë vizitorë.

DeepSeek nga Kina dhe Gemini nga Google kanë hyrë fuqishëm në treg, por ende janë disa hapa prapa OpenAI.

Top 10 inteligjencat artificiale më të vizituara në botë:

1. ChatGPT – 4.7 miliardë vizitorë/muaj

2. Canva – 887 milionë

3. Google Translate – 595 milionë

4. DeepSeek (Kina)

5. Character.AI – 226 milionë

6. JanitorAI – 200 milionë

7. Perplexity – 133 milionë

8. Gemini (nga Google) – 118 milionë

9. Remove.bg – 112 milionë

10. Claude – 105 milionë

ChatGPT vazhdon të udhëheqë me fuqi botën e AI-së, duke treguar se teknologjia po bëhet pjesë thelbësore e jetës sonë digjitale.